Pak momente para se të fillonte raundi i tretë i bisedimeve mes palës ukrainase dhe asaj ruse, negociatori ukrainas Mykhailo Podolyak, i ka bërë thirrje Rusisë që të ndalë sulmet mbi civilët.
Në një postim të bërë në Twitter, negoaciatori ukrainas tha se pas pak do të fillojnë bisedimet me përfaqësuesit e vendit pushtues, transmeton Telegrafi.
“Për pak minuta, ne do të fillojmë të flasim me përfaqësuesit e një vendi që beson seriozisht se dhuna në shkallë të gjerë kundër civilëve është një argument. Dëshmojeni se nuk është kështu”, ka shkruar Podolyak.
Ndryshe palët janë duke zhvilluar raundin e tretë të bisedimeve, ndërsa lokacioni i saktë i vendit se ku po mbahen këto bisedime nuk dihet.
