Njohësi i çështjeve politike, Fatmir Sheholli, ka thënë në Info Magazine se ai e ka parë një plan të Bashkimit Europian për revitalizimin e Urës mbi lumin Ibër dhe aty megjithatë shihet një mur.
Sheholli thotë se muri, në atë plan që e ka parë ai, nuk ishte në këtë gjatësi sa është sot, por që megjithatë shihet.
“Unë a kam parë një projeksion nga Bashkimi Europian dhe aty shihet njëfarë muri, jo kaq i madh, por aty është njëfarë muri, më pas është shëtitorja”, ka thënë Sheholli në Info Magazine.
“Por, ne po na mungon transparenca e delegacionit të Kosovës nga bisedimet në Bruksel. Ne nuk e kemi parë asnjëherë projektin”.
Sheholli tha se “tensionet janë shumë të mëdha”, prandaj është mirë që muri nuk u rrëzua pa një dakordancë të përgjithshme.
“Asamblistët shqiptarë në komunën veriore të Mitrovicës e pohuan që për shkak të mundësive që marrëdhëniet ndëretnike të përkeqëson të mos rrënohet muri”.
