Komuna e Prishtinës ka vazhduar me pastrimin gjeneral të disa rrugëve dhe parqeve të lagjeve në kryeqytet, shkruan Prishtinapress.
Kjo u bë e ditur përmes një njoftimi, ku thuhet se ë 03 shtator 2022, nga ora 09:00, do të bëhet pastrimi gjeneral i rrugëve.
“U bëjmë thirrje banorëve të lagjes që në këtë ditë të mos i parkojnë automjetet në parkingun paralel me shiritat qarkullues të rrugës dhe as në trotuare për të mos penguar në realizimin e punimeve”, thuhet në njoftim.
Po ashtu thuhet se në rast të mos respektimit të këtij njoftimi nuk do të marrim përgjegjësi për dëmtime të veturave apo mjeteve tjera motorike në këto rrugë dhe hapësira tjera publike të kësaj zone.
Njoftimi i plotë:
Të shtunën, më 03 shtator 2022, nga ora 09:00, do të bëhet pastrimi gjeneral i rrugëve:
Rr. “Arkitekt Karl Gega”
Rr. “Ali Pashë Tepelena”
Rr. “Anton Çetta”
Rr. “ Behije Dashi”
Rr. “Gazmend Zajmi”
Rr. “Sadik Bekteshi”
Rr. “Idriz Gjilani”
Rr. “Ymer Alushani”
me parkingjet përreth, rrugët lidhëse, si dhe hapësirat tjera publike në këtë zonë.
Më pas do të bëhet edhe pastrimi i sipërfaqeve të gjelbëruara në këto hapësira.
U bëjmë thirrje banorëve të lagjes që në këtë ditë të mos i parkojnë automjetet në parkingun paralel me shiritat qarkullues të rrugës dhe as në trotuare për të mos penguar në realizimin e punimeve.
Lusim qytetarët tanë të bashkëpunojnë, sepse në rast të mos respektimit të këtij njoftimi nuk do të marrim përgjegjësi për dëmtime të veturave apo mjeteve tjera motorike në këto rrugë dhe hapësira tjera publike të kësaj zone./Prishtinapress/
