Në Kosovë punojnë 1378 shtetas të huaj

Ministri i Punëve të Brendshme të Kosovës (MPB), Skender Hyseni, ka sqaruar se në Republikën e Kosovës janë të regjistruar gjithsej 2991 shtetas të huaj.
Ai nga foltorja e Kuvendit ka theksuar se numri i shtetasve të huaj, të cilët kanë ardhur në Kosovë me qëllim të punësimit dhe janë të pajisur më leje të punës, është gjithsej 1378, shkruan Telegrafi.
“Të punësuarit në Kosovë vinë nga Turqia, Shqipëria, Maqedonia, Mali i Zi, Serbia dhe një numër nga Shtetet e Bashkuara të Amerikës”, ka treguar Hyseni.