Kryetari i Komunës së Gjilanit, Alban Hyseni, bashkë me fermerët dhe kombajnerët e komunës, ka hapur sot zyrtarisht fushatën e korrje-shirjeve.
Ai bëri të ditur se të mbjella në komunën e Gjilanit janë rreth 3100 hektarë grurë, 100 hektarë elb dhe 10 hektarë thekër.
“Me projektin për farën e grurit për mbjelljet aktuale, kemi përkrahur fermerët tanë me 140 tonë grurë. Duke konsideruar se kultivimi i grurit është me shumë interes për shoqërinë, për këtë vit planifikojmë të rrisim sasinë e farës për 40%, që do të jetë 200 tonë. Punë të mbarë të gjithë fermerëve në fushatën e korrje-shirjeve. Qoftë ky vit i bereqetshëm!”, ka thënë kryetari Hyseni.
