Policia e Kosovës ka njoftuar se sot nga mëngjesi deri në mesditë do të ndërpritet qarkullimi i automjeteve në hyrje të rrugëve që çojnë tek Stadiumi i Prishtinës.
Sipas Policisë ndërpritet qarkullimi i automjeteve si nga hyrja e rrugës “Luan Haradinaj”, e cila qon te stadiumi, po ashtu edhe nga hyrja nga ambasada Kroate drejt stadiumit. Gjithashtu, nuk lejohet parkimi në atë zonë sot prej orës 15:00, deri nesër.
E gjitha kjo për shkak se gjenerata e 57-të e Policisë së Kosovës pritet të diplomojë ditën e sotme. Ceremonia e diplomomimit do të mbahet në Pallatin e Rinisë dhe të Sporteve në Prishtinë.
Në këtë ceremoni pritet të marrin pjesë personalitete të larta shtetërore dhe ndërkombëtare, ambasadorë, familjarë të zyrtarëve policorë që do të diplomojnë dhe eprorë të Policisë së Kosovës.
