Ndryshime radikale kanë ndodhur këtë javë në Policinë e Kosovës, derisa nga ndërrimet është prekur edhe Fehmi Xhata, drejtori i Drejtorisë në Prishtinë.
Në vend të Xhatës, që ushtronte këtë funksion tash e 10 muaj, është emëruar Basri Shabani, shkruan Paparaci.
Shabani, deri dje ka udhëhequr Drejtorinë e Policisë së Kosovës në Rajonin e Ferizajt. Nga sot, ai është shef i ri i Drejtorisë Rajonale në Prishtinë.
Ndërkaq, siç shkruan portali Indeksonline, vendin e Shabanit në Drejtorinë e Policisë në Ferizaj do ta zë Faton Pllana.
Ndërkaq, një tjetër emërim është kryer në Drejtorinë e Njësive Speciale të Policisë.
Drejtori i Përgjithshëm i Policisë së Kosovës, Gazmend Hoxha të hënën e ka emëruar Mehmetali Hajdini në pozitën e drejtorit të Drejtorisë të Njësive Speciale të Kufirit të Kosovës.
Ai më parë ishte pjesë e Stacionit Qendror të Policisë në Ferizaj si dhe Kaçanik. /Paparaci.com