Çështja e ndalimit të qarkullimit të dinarit në Kosovë pas 1 shkurtit është diskutar edhe të enjtën gjatë brifingut me media në Departamentin Amerikan të Shtetit.
Zëdhënësi Vedant Patel ka kërkuar që Kosova dhe Serbia të angazhohen në mënyrë konstruktive dhe të sinqertë për këtë çështje.
“Ne besojmë se angazhimi konstruktiv dhe përpjekjet e sinqerta dhe me besim të mirë nga Kosova dhe Serbia do të sjellin përfitime të qëndrueshme për qytetarët e saj, duke përfshirë rritjen ekonomike dhe do të sigurojnë stabilitet afatgjatë rajonal. Dhe ne duam të shohim përparim në zbatimin e marrëveshjeve të kaluara të dialogut. Ne gjithashtu besojmë se kjo është në interesin më të mirë për të gjitha palët e prekura” ka thënë ai.