Kryeministri i Kosovës, Albin Kurti ka takuar sot në Bruksel, Sekretarin e Përgjithshëm të NATO-s, Jens Stoltenberg.
Pas takimit Kurti ka shkruar në Twitter se prania e NATO-s në Kosovë është e domosdoshme për ruajtjen e paqes dhe ofrimin e sigurisë.
“NATO është aleanca më e madhe e sigurisë që bota ka parë ndonjëherë. Me Sekretarin e Përgjithshëm, Jens Stoltenberg theksova se prania e saj në Kosovës është e domosdoshme në ruajtjen e paqes dhe ofrimin e sigurisë, si dhe anëtarësimi i Kosovës në NATO, e bënë Evropën dhe rajonin më të sigurt”, ka shkruar Kurti.
.#NATO is the greatest security alliance the world has ever seen. W/ Secretary General @jensstoltenberg I emphasised that its presence in #Kosova is indispensable in keeping peace & providing security and #Kosova membership in #NATO makes the region & Europe much safer. pic.twitter.com/xMBGZx1tdJ
— Albin Kurti (@albinkurti) April 29, 2021
Në anën tjetër, Sekretari i Përgjithshëm i NATO-s, Jens Stoltenberg ka thënë se në këtë takim është folur edhe për dialogun me Serbinë.
Sekretari i NATO-s ka theksuar se dialogu është e vetmja rrugë për të arritur një zgjidhje të qëndrueshme politike
“E mirëprita Albin Kurtin për të diskutuar për zhvillimet në Kosovës si dhe rëndësinë e trupave të NATO-së në kuadër të KFOR-it për stabilitetin në Ballkanin Perëndimor. NATO mbështet përpjekjet për rifillimin e bisedimeve mes Prishtinës dhe Beogradit. Dialogu është e vetmja rrugë për të arritur një zgjidhje të qëndrueshme politike”, ka shkruar Stoltenberg.
Welcomed @albinkurti to discuss developments in #Kosovo & the importance of @NATO_KFOR for stability in the #WesternBalkans. #NATO supports efforts to re-energise talks between Pristina & Belgrade. Dialogue is the only way to achieve a lasting political solution. pic.twitter.com/VlqXcqpBjC
— Jens Stoltenberg (@jensstoltenberg) April 29, 2021
