Nënkryetarja e Kuvendit të Kosovës, Arbërie Nagavci ka reaguar pas vdekjes së 16 pacientëve të cilët ishin të infektuar me COVID-19.
Nagavci ka thënë se vdekja e qytetarëve dhe gjendja e rëndë, nuk janë arsye që deputetët të votojnë amandamentin për blerjen e maskave për qytetarët, transmeton Telegrafi.
“Në 24 orët e fundit në Kosovë: 16 të vdekur, 258 raste të reja me Covid-19. Vdekja e qytetarëve dhe gjendja e rëndë, nuk janë arsye të mjaftueshme që deputetët e Kuvendit të votojnë amandamentin për blerjen e maskave për qytetarët. Por votuan për asfalt, mobilje, luks, Gj.Speciale”, ka shkruar ajo në një postim në Twitter.
Ndryshe, në 24-orët e fundit në Kosovë si pasojë e coronavirusit kanë humbur jetën 16 persona, ndërsa numri i përgjithshëm i viktimave ka arritur në 212.
Në 24 orët e fundit në Kosovë: 16 të vdekur, 258 raste të reja me Covid-19.
Vdekja e qytetarëve dhe gjendja e rëndë, nuk janë arsye të mjaftueshme që deputetët e Kuvendit të votojnë amandamentin për blerjen e maskave për qytetarët.Por votuan për asfalt, mobilje,luks, Gj.Spec.
— Arbërie Nagavci (@arberienagavci) July 30, 2020
