Kryeshefi Ekzekutiv i PTK-së, Agron Mustafa ka arsyetuar mungesën e devidencave me pozitën aktuale të Telekomit të Kosovës.
Ai ka thënë se me ligj është që nuk mund të paguash devidencë më shumë se që ke pasur fitim në vitin paraprak. Ndërsa, është shprehur Mustafa, PTK-ja nuk është më ajo që ka qenë dikur.
“Nuk mund të paguash devidencë më shumë se që ke pasur fitim në vitin paraprak. Është publike sot dhe ne i kemi të gjitha të dhënat publike, Telekomi i Kosovës nuk është ai që ka qenë sepse 8-9 vite pozitë monopolistike në treg, pastaj poligopole me një operator tjetër dhe nuk kemi pasur asnjë mjet tjetër komunikimi sa i përket telefonisë mobile në vend”, ka thënë ai në rtv21.
Mustafa ka shtuar se shumat e para të devidencës janë paguar duke nisur nga viti 2008-2009, por që nga viti 2012 situata ka ndryshuar dhe ka pasur rënie të të hyrave.
