Besian Mustafa, nga Lidhja Demokratike e Kosovës në një konferencë për media ka drejtuar kritika në adresë të partisë në pushtet, respektivisht Qeverisë së Kosovës.
Mustafa tha se pushteti i sotëm s’ka asnjë plan se si të kujdeset për të ardhmen e grave dhe fëmijëve.
Ai përmendi programin e “mësimit gjithëditor” që ka nisur të zbatohet në kryeqytet, për çka tha se do të zbatohet në krejt Kosovën.
Sipas Besian Mustafës, zbatimi i këtij projekti do t’ua mundësojë grave që të punojnë dhe të avancojnë në karrierë.
“Ky është vetëm një nga planet dhe programet që i kemi për ta bërë jetën e grave, jetën e nënave, një jetë shumë më të mirë”, tha Mustafa.
