Ish-deputeti i Partisë Demokratike të Kosovës, Rrustem Mustafa, ka shkruar në llogarinë e tij në Facebook se kryeministri, Isa Mustafa, duhet që të kujdeset që në ekipin për bisedime me Serbinë në Bruksel të ketë njerëz që kanë “ndjeshmëri për vendin tonë”.
“Kryeministri (duhet te) kujdeset kush nga zyrtarët e ngarkuar në bisedimet që përfaqësojnë vendin, ata domosdo duhet të kenë ndjeshmëri për vendin tonë”, ka shkruar Mustafa në Facebook.
“Askush nga grupi për bisedime me Serbin, Edita, Shala apo Bahtiri nuk duhet të guxojnë, që të vendosin për diçka në dëm të funksionalizimit (muri ,ngushtim rruge përgjatë urës apo diçka tjetër) të qytetit në Mitrovicë”.
“Shteti nuk do të lejon asnjë vendimmarrje nga jashtë dhe as nga grupet formale apo jo formale të shtyra nga kush do qofshin ato. Ndjesia e rritur ndaj lirisë, duhet të jetë më e madhe për zyrtarët shtetërorë”.
