Besian Mustafa i Lidhjes Demokratike të Kosovës ka reaguar ndaj një videoje të Lëvizjes Vetëvendosje e cila krenohet me arritjet e Qeverisë Kurti në mandatin 4 vjeçar.
Mustafa thotë se LVV me këtë video tregon përralla.
“Tash që rritet çmimi i rrymës për herën e tretë gjatë kësaj qeverie e çmimet e produkteve ushqimore kanë shpërthyer, VV del me një video ku tregon përralla për “sukseset” e saj. “Hedhju një grusht hi syve, i hajnë rrenat këta, qy!”, shkruan Mustafa.
Në këtë video, VV-ja krenohet me luftën kundër korrupsionit, vizat, sovranitetin në veri.
“Qeveria Kurti është qeveria e parë në historinë tonë politike që realizon një mandat të plotë. Ky mandat katërvjeçar u shënua nga suksese të rëndësishme dhe sfida të mëdha. Katër vite për Republikën, katër vite që i dhanë shtetit themel të fuqishëm dhe qytetarëve dinjitet”, thotë LVV.