Besian Mustafa, deputet i LDK-së, ka reaguar në lidhje me intervistimin e Dejona Mihalit, koordinatore e Komiteteve në LVV, e cila u intervistua në cilësinë e dëshmitares nga ana e Prokurorisë Speciale.
Në një prononcim për Express, Mustafa tha se tashmë është e qartë që figurat më të larta të VV-së “janë dhe më të korruptuarat në Kosovë”.
“Tashmë është e qartë që figurat më të larta të LVV-së, qofshin ato publike apo ato prapa skenës, janë dhe më të korruptuarat në Kosovë! Intervistimi sot i dirigjentes së LVV-së, Dejona Mihalit nga organet e rendit dhe ligjit po shqyen fijet e fundit të propagandës dhe mashtrimit të atyre që erdhën në pushtet kinse për të luftuar korrupsionin. Lufta e tyre tanimë është e qartë: është radha e tyre për të vjedhur, për t’ju dhënë dostave tenderë njëburimorë, për të blerë energji elektrike përmes bashkëpunëtorëve të Serbisë”, tha Mustafa.
