Kryetarja e Komisionit për Mbikëqyrje të Agjencionit Kosovar për Inteligjencë (AKI), Ganimete Musliu është deklaruar sërish rreth rrenës së drejtori të RTK-së të emëruar nga Vetëvendosja, Rilind Gërvalla, i cili për lajmin e rremë të Slobodna Bosnës të dhënë në lajmet qendrore në RTK, e ka arsyetuar se e ka marrë nga AKI-ja.
“I kam drejtuar pyetje drejtorit të AKI-së dhe si përgjigje kam marrë që ky lajm ose i përfolur është i pavërtetë dhe AKI nuk ka të bëjë me lajmin në fjalë. Unë kam kërkuar nga Prokuroria që të merret me drejtorin e RTK-së dhe ta zbardh këtë çështje sepse mendoj që jo Rilind Gërvalla, por as Ganimete Musliu e as Leo Kërquki nuk ka të drejtë të thirret në emër të AKI-së për ta justifikuar skandalin që e ka bërë”, ka thënë Musliu në Pressing të T7.
