Eksperti i çështjeve të sigurisë, Agim Musliu, ka hedhur dyshime se Serbia po e mban nën vëzhgim Vladimir Markoviqin, policin serb i cili ka dëshmuar për krimet që policia e Serbisë ka kryer në Kosovë.
Ai ka publikuar një fotografi ku shihet Markoviq dhe thotë se në këmbë ka të vendosur një GPS që simbolizon kontrollin e lëvizjes së tij.
“Ky është Vladimir Markoviq, i cili në këmbë e ka të ngjitur një GPS që simbolizon kontrollin e tij të lëvizjes ose arrestin shtëpiak…”, ka shkruar Musliu në Facebook.
A po e mbajnë këtë dëshmitar potencial serbët nën vëzhgim… Mirëpo, kësaj radhe RTK ia kishte luajtur lojën regjimit të Vuçiqit, sepse intervista ishte bërë shumë më herët. Me aq sa di unë, dëshmitari Markoviq ka dhënë dëshminë e tij edhe në Prokurorinë e Kosovës”.
Në një intervistë për emisionin “Udhëve” në RTK, Markoviq ka rrëfyer krejt atë që ka parë. Në këtë intervistë të realizuar para një viti e gjysmë, ky dëshmitar ka treguar edhe për varreza të tjera masive me trupa shqiptarësh në Serbi.
“Edhe Zoti vajton për krimet që policia e Serbisë ka kryer në Kosovë”, ka thënë Vladimir Markoviq.
Menjëherë pas kësaj interviste, ai ka dhënë dëshminë e tij në Prokurorinë e Shtetit në Kosovë, por edhe në Serbi, sapo është kthyer, është marrë në pyetje nga shteti i tij.
