Miliarderi Elon Musk tha se qeveria duhet të jetë gati të ndërhyjë nëse inteligjenca artificiale del jashtë kontrollit.
Gjatë pjesës së dytë të një interviste me prezantuesin e Fox News, Tucker Carlson, të martën mbrëma, Musk tha se do të ishte “e mençur” që qeveria të krijojë “një lloji plani” ku mund të mbyllë qendrat e shërbimit që fuqizojnë programet e Inteligjencës Artificiale (AI), transmeton Telegrafi.
“Nuk kemi nevojë t’i hedhim në erë, thjesht ndërpritjani energjinë”, tha Musk.
Miliarderi, i cili kohët e fundit njoftoi planet për të lansuar programin e tij të inteligjencës artificiale, tha se ai mund të shohë që qeveria duhet të ndërmarrë veprime kompanitë e teknologjisë “humbin kontrollin e një teknologjie super AI”.
“Nëse ka diçka për të cilën ne jemi të shqetësuar dhe nuk jemi në gjendje ta ndalojmë atë me komandat e softuerit, atëherë ndoshta do të dëshirojmë të kemi një lloj ndërprerësi të fikjes së harduerit”, tha ai.
Musk është një nga shumë drejtuesit e teknologjisë që kërkon rregullimin e AI-s. Muajin e kaluar, Musk së bashku me disa ekspertë të tjerë të AI-s, përfshirë bashkëthemeluesin e Apple, Steve Wozniak, nënshkruan një letër të hapur duke bërë thirrje për një pauzë në zhvillimin e AI-s.
