Kryetari i Këshillit të Mediave të Shkruara në Kosovë, Imer Mushkojal, e ka kritikuar Qeverinë e Kosovës, e cila sot e ka miratuar në lexim të parë Projektligjin për Këshillin e Pavarur të Mediave.
Përmes këtij projektligji, ka thënë Mushkolaj, pushteti synon kontrollin mbi mediat.
Në profilin e tij në “Facebook”, Mushkolaj ka shkruar se projektligji në fjalë nuk i përmbush standardet evropiane.
“Nëpërmjet ligjit për KPM’në, i cili u miratua sot, pushteti synon kontrollin mbi mediat. Miratimi i këtij ligji – pjesa më e madhe e të cilit, sipas ekspertëve, nuk i përmbush standardet europiane – është goditja më e madhe ndaj lirisë së mediave dhe përpjekje për t’i kapur mediat”, ka shkruar Mushkolaj.
