Analisti politik, Imer Mushkolaj, ka thënë se do të marrë pjesë në protestën e organizuar nga Partia Socialdemokrate në kundërshtim të Marrëveshjes së Ohrit, konkretisht Zajednicës.
Mushkolaj një gjë të tillë e ka bërë të ditur me anë të një postimi në ‘Facebook’, shkruan Demokracia.com.
“Asociacionin e kam kundërshtu vazhdimisht. Edhe në protesta. Vazhdoj ta kundërshtoj. Albini ka ndryshu. Unë jo. Nesër n’orën 2. Protestë. N’shesh”, ka deklaruar ai.
PSD pritet të organizojë protestë në kundërshtimin e marrëveshjes evropiane përgjatë të shtunës, e cila pritet të mbahet të shtunën në sheshin “Zahir Pajaziti” në Prishtinë. /Demokracia.com/
