Nënkryetari i Lidhjes Demokratike të Kosovës, Gazmend Muhaxheri, ka thënë se sipas sondazheve subjekti politik të cilit ai i takon qëndron vetëm 6 për qind prapa Lëvizjes Vetëvendosje.
Ai ka theksuar se sipas rezultatit të tanishëm LDK i ka 27 për qind, ndërsa VV i ka 33 për qind.
“Po përgatitemi për atë finalen e madhe që pas vitit 2004 ta kthejmë Lidhjen Demokratike të Kosovës që sërish të jetë e para në vend…27 për qind [LDK] me 33 për qind [VV] është rezultati i tashëm nëse kishim me dalë në zgjedhje. Vetëm 6 për qind është diferenca”, tha Muhaxheri në Rubikon.
“I bie që ne duhet t’i reformojmë këto struktura dhe ne nuk jemi për me i largu të vjetrit”, shtoi ai.