Në këtë muaj, do të përshtateni me ndryshimet fizike, por edhe është koha për të marrë një krem kundër strijave
Ja çfarë mund të prisni në muajin e pestë të shtatzënisë dhe çfarë duhet të bëni menjëherë për shëndetin e bebes suaj
Ka ardhur muaji i pestë i shtatzënisë që zgjat 4 javë, më saktë nga java e 18-të deri në javën e 21-të.
Ju presin ndryshime dhe simptoma të ndryshme, por ju jeni ende në periudhën kur nuk keni probleme të mëdha për shkak të madhësisë dhe peshës së barkut. Ja çfarë mund të prisni në muajin e pestë të shtatzënisë, transmeton Telegrafi.
Simptomat e shtatzënisë në muajin e pestë
Barku juaj shfaqet gjithnjë e më shumë dhe është një nga simptomat e mrekullueshme në këtë dhe muajt e ardhshëm, dhe ja çfarë tjetër mund të prisni:
▪ Jeni duke shtuar peshë, mesatarisht duhet të shtoni 2 deri në 4 kg këtë muaj
▪ Probleme me tretjen dhe urth
▪ Mund të shfaqen strija
▪ Ka një humbje të ekuilibrit sepse qendra e gravitetit ndryshon për shkak të rritjes së stomakut
▪ Vështirësi në frymëmarrje
▪ Rrjedhje nga hunda
▪ Ndryshimet hormonale shkaktojnë dhimbje koke, marramendje, gjakderdhje, kapsllëk, puçrra…
▪ Duart dhe këmbët e fryra;
▪ Dhimbje në fund të shpinës;
▪ Vështirësi në gjetjen e një pozicioni të rehatshëm për të fjetur
Këshilla për muajin e pestë të shtatzënisë
▪ Hani siç duhet dhe merrni rregullisht vitamina prenatale
▪ Kujdesuni për lëkurën tuaj në kohë, merrni një krem kundër strijave që është i sigurt gjatë shtatzënisë
▪ Qëndroni aktiv dhe ushtroni nëse ju lejon mjeku juaj. Gratë shtatzëna aktive shërohen më lehtë pas lindjes
▪ Pushoni sa herë që mundeni, veçanërisht nëse keni probleme me pagjumësinë
▪ Shmangni situatat stresuese
▪ Vizitoni rregullisht mjekun tuaj
