Ministria e Punëve të Brendshme (MPB) në kuadër të fushatës: “Festo me zemër dhe jo me armë”, ka mbajtur një takim me përfaqësuesve të medieve, raporton Ekonomia Online.
Aty u tha se MPB, do t’i monitorojmë mediet dhe grumbullojmë artikujt e shkruar nga gazetarët dhe më pas një komision do t’i vlerësojë artikujt e përzgjedhur për t’i shpërblyer.
Nora Fetoshi, zëdhënëse për medie në Ministrinë e Punëve të Brendshme, tha se me mbështetjen e UNDP-së, 5 raportimet më të mirat do të shpërblehen me çmime.
“Do të ndajmë çmim për artikullin më të mirë ku financues dhe bashkëndihmues në këtë projekt do të jetë UNDP-ja”.
Mentor Cakolli, menaxher i projektit të UNDP-së tregoi shumat e secilit çmim dhe tha se kriteret do të i’u dërgohen me e-mail redaksive.
Sipas tij, çmimi i parë do të marrë 700 euro, i dyti 500 euro, çmimi i tertë 300 euro dhe çmimi i katërt dhe i pestë nga 250 euro.
“UNDP-ja është duke e mbështetur kampanjën e Ministrisë së Punëve të Brendshme. Edhe si target kemi pasur kohëve të fundit mërgatën. Çmimi i parë e kap shumën e 700 eurove, artikulli duhet të botohet sa më shpejtë të jetë e mundur, kështuqë sa më parë të botohet artikulli aq më mirë”.
“Çmimi i dytë 500 euro, çmimi i tretë 300 euro dhe çmimi i katërt dhe i pestë nga 250 euro. Kriteret e vlerësimit do u dërgohen me e-mail gazetarëve”, tha Cakolli
