Trajneri i Romës, Jose Mourinho është dënuar me katër ndeshje që të mos e drejtoj skuadrën në garat ndërkombëtare.
Ky dënim vjen pas fyerjeve që i ka bërë gjyqtarit anglez, Anthony Taylor, gjatë ndeshjes finale të Europa League kundër Sevillas, shkruan IndeksOnline.
Pezullimi do të thotë se Mourinho do të humbasë katër ndeshje të fazës së grupeve të Ligës së Evropës sezonin e ardhshëm.
Tekniku portugez nuk ishte pajtuar me vendimit e Taylor gjatë finales së Europa League ndaj Sevillas, ndërsa Mourinho u filmua edhe duke u bërtitur zyrtarëve pas përfundimit të ndeshjes.