Trajneri i Romës, Jose Mourinho ka thënë se nuk do të shikonte derbin e Serie A në Ligën e Kampionëve mes Milanit dhe Napolit në favor të Real Madrid-Chelsea, dy nga ish-klubet e tij.
Special One foli për Sky Sport Italia të mërkurën në mbrëmje, në prag të takimit të së enjtes në Ligën e Evropës midis skuadrës së tij Roma dhe Feyenoord në Roterdam.
Kur u pyet nëse do ta kalonte natën duke parë kundërshtarët e tij në Serie A duke u përplasur në San Siro në ndeshjen e parë të çerekfinaleve të Ligës së Kampionëve, Mourinho u përgjigj me mohim.
“Jo, nuk do ta bëj, do të shikoj Real Madrid-Chelsea”, deklaroi Mourinho.
Milani mundi përfundimisht Napolin 1-0 në San Siro, ndërsa Real Madridi i Carlo Ancelottit siguroi një fitore 2-0 ndaj Chelseat në Santiago Bernabeu.
Në anën tjetër, Giallorossët do të takohen sonte me Feyenoord në ndeshjen e parë çerekfinale të Ligës së Evropës, pothuajse një vit pas fitores së tyre ndaj skuadrës holandeze në finalen e Ligës së Konferencës.
