Instituti Hidrometeorologjik i Kosovës ka paralajmëruar se gjatë vikendit do të mbajë mot i ftohtë.
Sipas IHK-së, temperaturat minimale pritet të lëvizin deri në -8 gradë celsius, ndërsa maksimalet deri në 3 gradë celsius, transmeton Klan Kosova.
“Të shtunën parashihet të mbajë mot i vranët dhe me intervale kohore me diell. Temperaturat minimale do të lëvizin ndërmjet -8 deri -5 gradë Celsius, ndërsa maksimalet e ditës parashihen të lëvizin ndërmjet -2 deri 1 gradë Celsius. Do të fryjë erë e lehtë drejtimesh të ndryshme”, thuhet në paralajmërimin e IHK-së.
-Të dielën parashihet të mbajë mot afërsisht i ngjashëm. Temperaturat minimale do të lëvizin ndërmjet -8 deri -6 gradë celsius, ndërsa maksimalet e ditës parashihen të lëvizin ndërmjet -2 deri 3 gradë Celsius”, shton IHK-ja.