Autoritetet ruse kanë fajësuar agjencitë e inteligjencës ukrainase të hënën për orkestrimin e vrasjes së një blogeri të njohur ushtarak pro-Kremlinit. Shpërthimi i bombës ndodhi në një kafene në Petersburg.
Vladlen Tatarsky vdiq teksa po fliste në një ngjarje publike në kafene të dielën. Të paktën 30 persona janë plagosur si pasojë e shpërthimit, shkruan Euronews.
Tatarsky, kishte bërë raportime të rregullta nga vijat e frontit në Ukrainë. Ai kishte grumbulluar më shumë se 560 mijë ndjekës në kanalin e tij në Telegram.
Autoritetet ukrainase nuk iu përgjigjën drejtpërdrejt akuzës, por presidenti Volodymyr Zelenskyy tha se ai nuk mendon për ngjarjet në Rusi dhe një zyrtar i lartë e përshkroi më herët bombardimin si pjesë të trazirave të brendshme të Rusisë.
