Deputeti i Partisë Socialdemokrate, Dardan Molliqaj ka thënë se presidenti i Kosovës, Hashim Thaçi është mjeshtër i propagandës dhe manipulimit të opinionit publik, teksa ka thënë se Thaçi po manipulon opinionin lidhur me dialogun me Serbinë.
“Hashim Thaçi është mjeshtër i manipulimit të opinionit publik”, ka thënë Molliqaj. “E ka qit një temë siç është ndarja e Kosovës për t’i bërë dy efekte. Njëra është se kur ai ta pranojë autonominë substanciale për serb në Kosovë, me thanë se ‘unë jam shpëtimtari i Kosovës sepse e shpëtova Kosovën nga ndarja’”.
Molliqaj është shprehur se dialogu siç ka nisur “mbrapsht”, do të përfundojë njëjtë.
“Pra, mbrapsht jemi tu e nis [dialogun, v.j] e pashmangshëm mbrapsht ka me dalë. Tentimi ynë është me e kthy situatën në gjendje normale. Çka i bjen kjo? Me u ul ne si kuvend, e si qeveri për me e kuptu se çfarë po kërkojmë nga dialogu, si do të jetë vendimarrja dhe në fund kush e përfaqëson më së miri këtë proces”, deklaroi Molliqaj.
