Deputeti nga radhët e Lidhjes Demokratike të Kosovës, Besian Mustafa, ka reaguar pasi Gjykata Themelore e Prishtinës, ka dënuar me 200 euro gjobë ministren e Industrisë, Ndërmarrësisë dhe Tregtisë, Rozeta Hajdarit, e cila kishte goditur një fëmijë me veturë.
Mustafa, përmes një postimi në Facebook, është shprehur se edhe nëse merr dru në mal, dënohesh më shumë, kurse ministrja e ka goditur një fëmijë e gjobitet vetëm 200 euro.
“Roja e pyllit me t’nxan me dru’ të dënon ma shumë! Ministrja e shkelë me veturë një vajzë 9 vjeçare, dënohet 200 euro. Kaq ka vlerë për ta një fëmi, 200 euro”, është shprehur Mustafa.
Tutje, ai është shprehur se në këtë rast nuk mjafton dorëheqja e ministres dhe se partia në pushtet është e mbuluar kokë e këmbë në turp.
