Ministrja e Integrimit Evropian, Mimoza Ahmetaj, nuk ka garantuar se pas ratifikimit të demarkacionit me Malin e Zi, Kosovës do i hiqet regjimi i vizave.
Ahmetaj ka folur për çështjen e demarkacionit dhe liberalizimit të vizave në një paraqitje televizive të mërkurën.
E pyetur nëse do të votohej demarkacioni këtë vit, a do të kishim liberalizim vizash për qytetarët e vendit, ajo ka thënë në Tribuna Channel se nuk mund të përcaktojë afate kohore apo ndonjë datë eventuale se kur do të ndodh liberalizimi i vizave.
Por, Ahmetaj ka theksuar se ambicia e Qeverisë është që ta realizojë këtë gjë.
