Ministria e Mbrojtjes dhe FSK-ja do të organizojnë konferencën vjetore ndërkombëtare “FSK dhe Partnerët 2024”.
Në njoftimin e lëshuar thuhet se konferenca mbahet të mërkurën, më 2 tetor 2024, duke filluar nga ora 09:00.
Pjesëmarrësit në këtë konferencë do të jenë përfaqësues të lartë shtetërorë, të Ministrisë së Mbrojtjes dhe FSK-së, ambasadorë, atashe të mbrojtjes të Republikës së Kosovës, si dhe përfaqësues tjerë diplomatikë dhe atashetë ushtarakë të të gjitha shteteve partnere të Republikës së Kosovës.
