Ministri serb i Mbrojtjes, Millosh Vuçeviq ka vizituar sot një pjesë të njësive të ushtrisë dhe policisë serbe që kryejnë detyra përgjatë vijës kufitare me Kosovën.
Ai ka deklaruar në Instagram se është i bindur për gatishmërinë e pjesëtarëve të ushtrisë dhe policisë.
“Me atë rast u binda për moralin e lartë dhe gatishmërinë e pjesëtarëve të Forcave të Armatosura dhe të policisë serbe për të kryer shpejt dhe me vendosmëri të gjitha detyrat e caktuara”, tha Vuçeviq.
Ai ka shtuar se ushtria serbe që nga mbrëmë është në nivelin më të lartë të gatishmërisë.
Kjo gatishmëri e ushtrisë dhe policisë serbe është kërcënim i hapur ndaj Kosovës, për herë të parë që nga pas lufta në këtë masë.
