Kreu i diplomacisë serbe, Marko Gjuriq, është duke qëndruar për një vizitë zyrtare në Qipro, shtet ky që s’e njeh pavarësinë e Kosovës.
Ministri i Jashtëm i Qipros, Konstantinos Kombos, në konferencën e përbashkët për media ka folur edhe për procesin e dialogut mes dy shteteve, duke drejtuar akuza ndaj Kosovës për destruktivitet në proces dhe për veprime të njëanshme, shkruan KO.
“Ne mirëpresim angazhimin konsistent konstruktiv të Serbisë, i cili për fat të keq nuk është reciprok. Prandaj, ne shprehëm shqetësimin tonë për ngecjen e negociatave dhe veprimet e njëanshme dhe shumë penguese nga Prishtina”, ka thënë Kombos.
