Ish-deputeti i Kuvendit të Kosovës, Milaim Zeka thotë se nesër Presidenti do t’ia jep mandatin për formimin e qeverisë kryetarit të LDK-së.
Zeka në “Debat Plus” me Ermal Pandurin në RTV Dukagjini ka thënë se dorëzimi i mandatit nga Presidenti mund të mos ndodh vetëm nëse ky i fundit sëmurët sërish nga veshkat.
“Albin Kurti nuk ka gjasa të sjellë mandatarin pasi duhet t’i ketë 61 deputetë. Isa Mustafa e bënë qeverinë pasi e ka AAK-në, NISMA-n, AKR-në dhe minoritetet”, tha ai, përcjell Telegrafi.
Ish-deputeti i Kuvendit të Kosovës ka thënë se sipas 95% të gjasave Isa Mustafa do të jetë kryeministër.
Zeka thotë se edhe nga e kaluara ka ndodhur që pa i bërë dy vite stazh deputetëve nuk iu njihet stazhi.
“Kjo është një arsye pse Presidenti nuk do të shpall zgjedhje të reja”, tha ndër të tjera Milaim Zeka.