Meta ka treguar planet e stafit për një rrjet social të bazuar në tekst, i krijuar për të konkurruar me Twitter, thanë burimet për BBC.
Rrjeti social mund t’i lejojë përdoruesit të ndjekin llogaritë që i ndjekin tashmë në Instagram, aplikacioni po ashtu në pronësi të Meta-s.
Dhe potencialisht mund t’i lejojë ata të sjellin ndjekës nga platforma të decentralizuara si Mastodon.
Një zëdhënës i Meta-s konfirmoi për BBC se platforma ishte në zhvillim e sipër.
“Ne jemi duke eksploruar një rrjet social të pavarur të decentralizuar për ndarjen e përditësimeve të tekstit”, thanë ata.
“Ne besojmë se ka një mundësi për një hapësirë të veçantë ku krijuesit dhe figurat publike mund të ndajnë përditësimet në kohë për interesat e tyre”.
Shefi i produkteve të Meta-s, Chris Cox tha se kodimi ishte duke u zhvilluar në platformë. Gjiganti i teknologjisë synon ta lansojë atë së shpejti, megjithëse nuk është dhënë asnjë datë. Ka disa spekulime se mund të jetë deri në fund të qershorit.
