Paris Saint-Germaini ka arritur marrëveshje verbale me Lionel Messin për ta vazhduar kontratën.
Gazetari italian dhe një nga më të besuarit për sa i përket transferimeve, Fabrizio Romano ka raportuar se palët kanë arritur marrëveshje.
Sipas tij, ende nuk ka ndonjë vendim për periudhën e kontratës dhe pagën. Ajo do të vendoset në një takim të ri që do të mbahet së shpejti.
“Paris Saint-Germain ka arritur një marrëveshje verbale me Lionel Messin për të vazhduar kontratën. Është një pakt verbal për të vazhduar së bashku”, ka shkruar Romano në “Twitter”.
Lionel Messi pak ditë më parë triumfoi për herë të parë në Kupën e Botës me Argjentinën.
Ai ka kontratë me PSG-n deri në fund të këtij edicioni./Prishtinapress/
