Barcelona e ka pasur MSN në sulm në tri sezonet e fundit dhe verën e kaluar e humbi një pjesë të tij kyçe kur Neymar kaloi te PSG-ja, por sulmi MS me dyshen Lionel Messi dhe Luis Suarez është treguar mjaft efektiv, po ashtu.
Në fakt, ata kanë qenë aq të mirë saqë tashmë i kanë shënuar 42 gola në ligë së bashku në sezonin 2017/18 – 22 argjentinasi dhe 20 uruguaiani – që është më shumë se 74 klube në top pesë ligat evropiane.
Në këtë mes është edhe Atletico Madridi, skuadër që radhitet në vendin e dytë pas Barcelonës në La Liga, dhe që i ka shënuar vetëm 41 gola në total.
Në fakt, të vetmet klube spanjolle që ka shënuar më shumë se Messi dhe Suarez janë Real Madridi, Valencia, Real Betis, Celta vigo dhe Reeal Sociedadi.
Sa i përket skuadrave angleze, vetëm Manchester City, Manchester United, Liverpool, Tottenham, Chelsea dhe Arsenali kanë shënuar më shumë se dyshja sulmuese e Amerikës Jugore.
