Lionel Messi dhe Cristiano Ronaldo do të luajnë në dy kontinente të ndryshme në vitin 2023 për herë të parë që kur bënë debutimin e tyre profesional te Barcelona dhe Sporting Lisbona në fillim të mijëvjeçarit.
Sidoqoftë, dy nga më të mëdhenjtë e historisë së futbollit mund të takohen në muajin janar të vitit 2023.
Sipas Achraf Ben Ayad, Paris Saint-Germaini do të luajë një ndeshje miqësore në Arabinë Saudite, kundër një ekipi të kombinuar me futbollistët e Al-Nassr dhe Al-Hilal.
Ndeshja thuhet se është e caktuar për t’u zhvilluar më 19 janar.
Kësisoj, mund të shohim edhe njëherë dhe mbase për herën e fundit, një përballje mes Messit dhe Ronaldos.
