Një rast i rëndë dhune fizike ka ndodhur në një nga shtëpitë e të moshuarve në Kosovë.
Nga pamjet e publikuara në rrjetet sociale raportohet se ngjarja ka ndodhur në Pejë.
Burime të Indeksonline bëjnë të ditur se emri i të dyshuarës që shihet në video duke ushtruar dhunë ndaj të moshuarës është Aurona Pelaj.
E njëjta është nga fshati Novosellë e Pejës dhe ka disa muaj që punon aty. Pelaj është arrestuar nga Policia e Kosovës.
Ngjarja ka ndodhur para pak ditësh në qendrën e të moshuarve “Orenda” në Pejë. Bashkë me Aurona Pelin është arrestuar edhe përgjegjësja e qendrës “Orenda”/Prishtinapress/