Nuk kishte se si të ndodhte ndryshe me profesionin e Albatrit Muqiqit, pasi që të dy prindërit e tij janë këngëtarë mjaft të njohur të muzikës popullore.
Bëhet fjalë për Nysret Muqiqin dhe Merita Spahiun, të cilët me apo pa dëshirë ndikuan në zgjedhjen e profesionit të djalit të tyre.
Albatriti po planifikon diçka edhe më të madhe për veten e tij, diçka speciale por që nuk ka të bëjë me muzikën.
Ata janë fejuar para më shumë se një viti.
Pas një lidhje shumë të gjatë me Egzona Brahimajn, artisti ka vendosur që të bëjë hapin e madh të jetës e që është martesa.
Ai ka vendosur të bëjë këtë në një periudhë ku e sheh veten më të lirë sa iu përket angazhimeve muzikore, pasi që dihet se ka qenë shumë i zënë gjatë sezonit të verës.
Sipas burimeve të Prive.al, ceremonia e martesës do të mbahet më 11 nëntor, ku do të jenë të ftuar shumë mysafirë e ndër ta fytyra të njohura publike.