Mërgimtarët, të cilët janë duke ardhur në Kosovë për t’i kaluar pushimet, po presin mbi dy orë në pikat kufitare tokësore.
Në pikën e kalimit kufitar Dheu i Bardhë, pritjet në hyrje janë deri në dy orë e gjysmë, derisa kolona është 2 mijë metra.
Ndërsa, në pikën kufitare Merdarë, sipas të dhënave të Qendrës Kombëtare për Menaxhim Kufitar, pritjet në hyrje janë deri në dy orë, derisa kolona është 1 mijë metra.
Te Dheu i Bardhë dhe në Merdarë, në dalje pritjet janë 3-5 minuta, derisa kolona nuk ka, shkruan KosovaPress
Pritje nga 5 deri në 10 minuta, në hyrje dhe në dalje ka në pikën e kalimit kufitar Hani i Elezit, derisa kolona nuk ka as në hyrje e as në dalje.
Ndërsa, në pikat e tjera kufitare pritjet në hyrje dhe dalje janë 3-5 minuta, ndërsa kolona nuk ka.
Në ditët e fundit, mërgimtarët kanë pritur me orë të tëra në pikat e kalimit kufitar për të hyrë në Kosovë.
