Kryeministrja e Italisë, Giorgia Meloni, ka falënderuar homologun e saj shqiptar, Edi Rama për marrëveshjen e emigrantëve të nënshkruar mes tyre.
Gjatë fjalës së saj në një takim elektoral, Meloni i tha mbështetësve të saj se Rama meritonte një përqafim, për ndihmën ndaj vendit të saj, raporton euronews.al, transmeton Klankosova.tv.
“Le t’i japim një përqafim kryeministrit socialist të Shqipërisë, Edi Ramës, i cili u masakrua vetëm sepse ndihmoi Italinë”, ka thënë mes të tjerash Meloni.
Marrëveshja mes dy vendeve parashikon që emigrantët nga Afrika që shkojnë në Itali do të kthehen dhe do të qëndrojnë në kampet në Shqipëri, derisa të merret një vendim për fatin e tyre, nëse do të pranohen ose jo në vendin fqinj.
