Kryeministrja italiane, Giorgia Meloni ka planifikuar të zhvillojë një vizitë në bregdetin e Vlorës sot me familjen e saj.
Sipas mediave italiane ajo do të shoqërohet nga bashkëshorti i saj Andrea Giambruno, vajza Ginevra dhe mundet edhe nga motra e saj Arianna me bashkëshortin Francesco Lollobrigida.
Kujtojmë se pak ditë më parë, ‘prozhektorët’ e mediave italiane u kthyen nga kryeministri shqiptar, pas një memeje, ku Rama krahasonte shqiptarët që iknin në Itali në vitin 1991, me turistët italianë që tashmë vijnë për pushime në Shqipëri, raporton Tch.
Prej muajsh Shqipëria po përballet me bum turistësh nga e gjithë bota, përfshi edhe italianët, të cilët tërhiqen nga vendet magjepsëse dhe çmimet e lira.
Kujtojmë se edhe ish-kryeministri britanik, Tony Blair ndodhet në Shqipëri, ai mbërriti në Himarë me helikopter mbrëmjen e së dielës.
