Ministri i Mbrojtjes, Armend Mehaj, mori pjesë sot në takimin e nëntë të Grupit të Kontaktit për Mbrojtjen e Ukrainës në Bruksel, ku prezentë ishin edhe përfaqësues nga 53 shtete të tjera si dhe nga NATO.
Në takimin që Mehaj ka marrë pjesë bashkë me Sekretarin e Përgjithshëm të NATO-s, Jens Stoltenberg, dhe disa homologë të tij nga shtete të tjera, ai ka theksuar se Kosova është e gatshme të ofrojë strehim për 5 mijë refugjatë ukrainas, shkruan Gazeta Online Reporteri.net.
“… Edhe një herë shpreha gatishmërinë tonë si Qeveri e si Ministri e Mbrojtjes që në çdo kohë të strehojmë 5000 refugjatë ukrainas, e po ashtu të ofrojmë mbështetjen përmes trajnimit të ushtarakëve ukrainas në fushën e deminimit, kërkim-shpëtimit dhe eliminimit të materieve të rrezikshme”, shkroi ndër të tjera ministri Mehaj në Facebook.
“Si një shtet që jemi përballur me një agresor të tillë me mentalitet okupues e gjenocidal, e kuptojmë shumë mirë luftën e popullit ukrainas për liri, e gjithashtu rolin e pazëvendësueshëm që ka faktori ndërkombëtar në këtë mes, ndihma që mund të shpëtoj jetë e t’i jep fund terrorit”, shkroi tutje.
Ai ka shtuar se Kosova do t’i ofrojë ndihmë Ukrainës brenda kapaciteteve të saj. /Reporteri.net/.
Postimi i plotë:
