“Kombi apo feja?”, kjo është nga pyetjet që parashtrohen shpesh në publik, e që në shumë raste përgjigjet janë të ndryshmet, e po aq janë edhe arsyetimet.
Së fundmi një pyetje e tillë i është parashtuar edhe imamit nga Mitrovica, Fatmir Latifaj, i cili pa u menduar dy herë u përgjigj.
“Ky binom nuk ndahet, ai i cili na e lufton Shqiptarinë në emër të islamit, ai vet është armik i islamit, ai cili na e lufton islamin në emër të shqiptarëve, është armik i shqiptarëve. Feja gjithmonë ka qenë në shërbim të kombit, gjallëria e këtij kombi patjetër e don një motiv e cila burgon nga shpirti, dëshmor nuk është vetëm ai që bie në vijën e parë të frontit, por edhe ai që e mbron paqen, e që mundohet me ia siguru bukën familjes së tij”, ka deklaruar Latifaj.