Reperi i njohur shqiptar, Gold AG, ditë më parë paralajmëroi një befasi për fansat me rastin e fillimit të Muajit të Shenjtë të Ramazanit.
Fjala është për një këngë të re me motive fetare, të cilën ai e ka sjell në bashkëpunim me këngëtarin Kreshnik Avdiu.
“Allah” mban titullin kjo këngë, e cila është e zhanrit baladë.
Vija melodike është punuar nga Kreshnik Avdiu, i cili ka shkruar gjithashtu edhe tekstin në bashkëpunim me reperin nga Presheva.
Foto: Gold AG/YouTube
Ndërkohë, orkestrimi është realizuar në studion e Artan Kastatit.
Gold AG disa herë ka sjell këngë me motive fetare, duke dëshmuar se është një mysliman i devotshëm.
Ana vizuale e projektit i është besuar produksionit nga Gjilani, Urban Graphics.
