12 persona janë arrestuar dhe më pas janë liruar, mëngjesin e djeshëm në Prishtinë, ka njoftuar policia.
Të dyshuarit kishin përdorur substanca narkotike në një lokal nate .
“Janë arrestuar 11 meshkuj dhe një femër K-Shqiptar-e nën dyshimin se të njëjtit në një lokal nate kishin përdorur substanca narkotike. Njësitet policore gjatë kontrollit te të dyshuarit kanë gjetur dhe konfiskuar 10 tableta ekstazi me peshë 6.1 gram, 6.0 gram kokainë dhe 4.7 gram marihuanë”, thuhet në raportin 24 orësh të policisë së Kosovës.
Me vendim të prokurorit të dyshuarit janë liruar në procedurë të rregullt. Nga ana e inspektorëve komunal lokali është mbyllur.
