Policia e Kosovës ka ndërmarrë masa pasi në objektin e Gjykatës Themelore në Mitrovicë janë vendosur mbishkrime ‘Albin Zajednica’.
Pas kontrollimit të kamerave të sigurisë është vërejtur se këto mbishkrime janë shënuar nga 4 persona të dyshuar.
PK-ja e ka inicuar rastin si ‘Vandalizëm’ teksa ai po hetohet.
“Në objektin e gjykatës janë vërejtur disa mbishkrime me përmbajtje “Albin Zajednica”. Pas shikimit të kamerave të sigurisë është vërejtur se këto mbishkrime janë shkruar nga 4 të dyshuar meshkuj kosovarë. Rasti është duke u hetuar”, thuhet në njoftimin e policisë.
