Komuna e Prishtinës do të bëjë renovimin e tunelit të njohur në kurriz të Dardanisë.
Dikur ikon e kryeqytetit por që nga paslufta nuk ëhstë bërë ndonjë investim. Por me prokjektin e ri parashihet të bëhet renovim artistik.
“Renovimi artistik dhe infrastrukturor i tunelit të kurrizit “Dardania” është përshkrimi i këtij projekte për të cilin prokurimi I komunës së Prishtinës ka rekomanduar kompaninë “Eing Com” Sh.P.K me vlerë totale mbi 1.2 milionë euro, shkruan Indeksonline.
Sipas dosjes së tenderit të publikuar në platformën online e-prokurimi për këtë projekt kishin ofertuar 5 operatorë ekonomikë, por që sipas të dhënave Komuna e Pishtinës në bazë të dispozitave të LPP-së, kritereve të dosjes së tenderit dhe në baazë të vendimit të Organit Shqyrtues të Prokurimit (OSHP) 2024/0253 të datës 18 . 06.2024 ka bërë Rivlersimin e ofertave për aktivitetin e prokurimit me titull: “Renovimi artistik dhe infrastrukturor i tunelit te kurrizit “Dardania”, për tenderin ekonomikisht më të favorshëm dhe rekomandin për dhënie të kontratës , operatorin ekonomik “Eing Com” Sh.P.K me gjithsej 85.92 % të pikëve dhe me çmimin në vlerë totale prej 1 milionë e 229 mmije 678 euro. /Indeksonline/
