Francezi nuk e kryeson më listën e lojtarëve më të shtrenjtë në Evropë dhe botë.
Kylian Mbappe ishte paraparë që të jetë njëri prej superyjeve në botën e futbollit dhe kjo ishte arsyeja pse ai ishte vlerësuar me 170 milionë euro vlerë jo shumë kohë më parë.
Numrat dhe arritjet e tij në një moshë aq të re tashmë janë impresive dhe ende pritet që ai ta tregojë vetën.
Megjithatë, është një tjetër lojtar që është shfaqur në skenë dhe ka marrë primatin e lojtarit më të shtrenjtë në botë prej francezit. Bëhet fjalë për sulmuesin norvegjez, Erling Haaland, i cili, nga përditësimi i fundit e ka larguar nga froni lojtarin e PSG-së.
Sa vlen Haaland?
Në përditësimin e fundit të Transfermarkt, faqe e cila bën vlerësimin e lojtarëve ata e paraqesin tani sulmuesin e Manchester City në krye të listës.
Ai ka arritur nga vlera e tij 156 milionë euro në 170 milionë euro, duke e kaluar kështu shifrën që ka Mbappe.
Haaland ju bashkua Manchester City këtë sezon për 60 milionë euro dhe ka pasur një ndikim të menjëhershëm në skuadër duke shënuar deri me tani 17 gola në Premier Ligë dhe pesë të tjera në Ligën e Kampionëve.
Nga ana tjetër, vlera e Mbappes ka rënë nga 170 milionë në 160 milionë euro. Pavarësisht se ka nënshkruar një kontratë të majme për të vazhduar me PSG dhe ka filluar sezonin mirë, kjo nuk ishte e mjaftueshme për francezin që të jetë në krye të listës.
Pasi që ka vetëm 23 vjetë, ai mund ta rikthejë këtë pozitë si lojtari më i vlefshëm dhe mund ta rrisë vlerën e tij deri në 200 milionë.
Por, derisa Transfermarkt ka kompiluar listën, është hera e parë që një lojtar i Premier Ligës e kryeson atë. Në top pozitat e para, katër janë nga Premier Liga, një shembull se si vlera ekonomike e asaj lige që e bën atë garën më të mirë në botë.
Këta janë 10 lojtarët me vlerën më të madhe në botë:
Erling Haaland: 170 milionë euro
Kylian Mbappé: 160 milionë euro
Vinicius Junior: 120 milionë euro
Phil Foden: 110 milionë euro
Jude Bellingham: 90 milionë euro
Pedri: 90 milionë euro
Bukayo Saka: 90 milionë euro
Harry Kane: 90 milionë euro
Dusan Vlahovic: 85 milionë euro
Jamal Musiala: 80 milionë euro/Prishtinapress/
